İMPERİYALARIN İZİ İLƏ

Günün icmalı:

08:00 Səhər yeməyi
09:00 Avtobusla Drezdenə səyahət (Almaniya ~360 km)
14:00 Drezden üzrə piyada ekskursiya
18:00 Avtobusla Hannoverə səyahət (Almaniya ~400 km)
23:30 Oteldə qeydiyyat

Günün təəssüratları:

İkinci Dünya müharibəsi dövründə Drezden tamamilə dağıdılmışdı (yalnız Xolera fəvvarəsi zərər görməmişdi), və əhalinin böyük hissəsi həlak olmuşdu. Lakin müharibədən sonrakı illərdə şəhər bərpa edildi və indi biz əsas istiqamətimiz — Amsterdam — səfərindən əvvəl onun gözəlliyindən həzz ala bilərik.
Siz görəcəksiniz: eyni zamanda roma üslubu, barokko və neorenessans üslublarını özündə birləşdirən saray, “Hökmdarların yürüşü” pannosu, Nəciblik fəvvarəsi (Xolera fəvvarəsi), Zvinger saray–park kompleksi, Zemper opera teatrı, Kafedral kilsə və İncəsənət Akademiyası (yerlilər onun adını “şirəçəkən” qoyublar).

Günün icmalı:

08:00 Səhər yeməyi
09:00 Avtobusla Amsterdama səyahət (~380 km)
14:00 Amsterdam üzrə piyada ekskursiya
16:00 Azad vaxt
21:00 Oteldə qeydiyyat

Günün təəssüratları:

Vəssalam! Nəhayət dincələ bilərsiniz! Siz çatıbsınız və bütün günü gəzmək, baxmaq, yemək, içmək və Amsterdamda «nə edəcəyinizi özünüz yaxşı bilirsiniz»! Amma əvvəlcə ətrafı kəşf edək. Ekskursiyaya başlayırıq!

Amsterdam haqqında bir neçə maraqlı fakt. Dam meydanının qadınlara heç bir aidiyyəti yoxdur, hərçənd onlar burada kifayət qədər çox gəzirlər. Milli abidə “Tanrının ulduzlarına baxır” (bunun nə demək olduğunu bələdçidən soruşun). Kral sarayının bələdiyyə binasını Rembrandt bəzəmişdi (o həmçinin burada — Amsterdamda — Qərb kilsəsində dəfn olunub). Yeni kilsə isə ona görə tikilib ki, Köhnə kilsə bütün ibadət edənləri sığdırmırdı. Ən bahalı küçə olan Kalverstraat isə… dana bazarının şərəfinə adlandırılıb. Burada dayanmaq lazımdır, yoxsa biz artıq bələdçinin çörəyini əlindən alırıq!

Günün icmalı:

08:00 Səhər yeməyi
09:00 Amsterdamda azad gün
+ Əlavə ekskursiya: Zaans Schans və Volendam
20:00 Avtobusla tranzit otelə səyahət (Belçika ~180 km)
22:30 Oteldə qeydiyyat

Günün təəssüratları:

Bu gün tamamilə sizin ixtiyarınızdadır. Amsterdamda artıq olmuş olanlar üçün — keçən dəfə vaxt çatmayan yerləri ziyarət etmək üçün əla fürsətdir. İlk dəfə gələnlər üçün isə — maksimum görmək və kəşf etmək şansı. Odur ki, səhər yeməyində çox ləngiməyin və macəra axtarışına çıxın.

Əlavə ekskursiya:

Birinci gün ekskursiya zamanı Amsterdamda məşhur holland mənzərələrini tapa bilmədinizsə, narahat olmayın. Biz bilirik bütün o gözəlliklərin harada olduğunu. Gedirik Zaans Schans və Volendama.
Ekskursiyanın təxmini müddəti: 4 saat.

Günün icmalı:

08:00 Səhər yeməyi

09:00 Avtobusla Brüsselə səyahət (Belçika, ~60 km)
10:00 Brüssel üzrə piyada ekskursiya
12:00 Azad vaxt + Əlavə ekskursiya: Bryügge
20:00 Avtobusla tranzit otelə səyahət (Almaniya, ~180 km)
23:00 Oteldə qeydiyyat

Günün təəssüratları:

Brüssel haqqında nə bilirsiniz? İlk ağla gələnlər — şokolad, kiçik fontandakı oğlan heykəli və bəlkə də Brüssel vaflisi. Bəs desək ki, burada quyunun içində yerləşən muzeyi görə bilərsiniz? Və ya bütün Avropanın görməli yerlərini miniatür şəkildə? Şəhərdən çıxmadan kənd ab-havasına düşmək mümkündür. Üstəlik, binaların üzərində komiksləri oxumaq olar. Hamısı bir neçə addım məsafədə!

Hər iki ildən bir (cüt illərdə) şəhərin meydanlarından birində nəhəng canlı çiçək xalçasını görmək olur.
Və bir maraqlı fakt: məşhur "kiçik fontandakı oğlan" əslində surətdir. Orijinal heykəl çoxsaylı oğurluq cəhdlərindən sonra muzeyə yerləşdirilib.

Əlavə ekskursiya: Bryügge

Nağıllar şəhəri Bryüggənin sehrli atmosferinə qərq olun. "Şimalın Venesiyası" adlanan bu şəhər orta əsr memarlığı, rəngarəng kanalları və rahat küçələri ilə unudulmaz təəssüratlar yaşadacaq. Bryügge — tarix, mədəniyyət və gastronomiyanın ideal birləşməsidir. Romantika və gözəl fotolar axtaranlar üçün mükəmməl seçimdir.

Günün icmalı:

08:00 Səhər yeməyi
09:00 Avtobusla Kölndə səyahət (Almaniya, ~130 km)
11:00 Köln üzrə icmal ekskursiya
12:30 Azad vaxt
15:00 Avtobusla tranzit otelə səyahət (Almaniya, Nürnberq, ~400 km)
21:00 Oteldə qeydiyyat

Günün təəssüratları:

Bu gün birdən çox şəhər görəcəyik və onların yanından sadəcə keçib getmək — əsl itki olardı. Maraqlı fakt: qədim dövrlərdə romalılar burada yaşayanları “barbarlar” adlandırırdılar. Zaman keçdi, dövrlər dəyişdi və indi alman şəhərləri intizamı, nizamı və memarlığı ilə dünya üçün nümunəyə çevrilib.

Kölnə gəldikdə isə — burada sizi şəhərin əsas incisi qarşılayır: Köln Kafedralı. XIV əsrdən etibarən Avropanın ən böyük dini tikililərindən biri olmuş və əsrlər boyu xristian zəvvarlarını özünə cəlb etmişdir. Bugünkü səyahətdə siz də onun möhtəşəmliyini yaxından hiss edəcəksiniz.

Günün icmalı:

08:00 Səhər yeməyi
09:00 Avtobusla Praqaya səyahət (Çexiya, ~300 km)
14:00 Praqa üzrə piyada ekskursiya
16:00 Azad vaxt
20:00 Avtobusla Brnoya səyahət (Çexiya, ~210 km)
23:00 Oteldə qeydiyyat

Günün təəssüratları:

Praqanın gözəlliyini təsvir etmək — kiməsə suyun yaş olduğunu sübut etməyə bənzəyir. Bu, isbata ehtiyac duymayan faktdır. Praqa qəsri, Müqəddəs Vit kilsəsi, kral sarayı, Hradçanski meydanı, Karl körpüsü…

Amma bir də başqa, qeyri-adi Praqa var. Bələdçilərin az danışdığı Praqa. Embrion abidəsi olan, alkimya və sehr muzeyi olan, ölkənin bütün dəmir yollarının işlək modelini saxlayan, televiziya qülləsində “uşaqları” gizlədən, seks maşınları muzeyi və… hətta “işəyən” fəvvarəsi olan Praqa. Və bu qeyri-adi siyahı məşhur abidələrin siyahısı qədər uzundur!

Günün icmalı:

08:00 Səhər yeməyi
09:00 Avtobusla Budapeştə səyahət (Macarıstan, ~330 km)
14:00 Şəhərdə azad vaxt
19:00 Budapeşt hava limanına transfer (Ferenc Liszt adına)
21:00 Budapeşt–Bakı reysinə qeydiyyat

Günün təəssüratları:

Əlbəttə, Budapeşt (və ümumiyyətlə Macarıstan) kral bibəri ilə məşhurdur. Amma bu şəhərə səfər etmək üçün yeganə səbəb deyil!

Budapeştdə dar küçələrdə sakitcə gəzdikcə, siz öyrənəcəksiniz: Balıqçı qalasının tarixini, hansı kral dövründə Budapeştin Kral sarayı (Buda qalası) Orta əsrlərin sonlarında ən böyük qala olub, Məryəm kilsəsinin (Müqəddəs Matyaş) neçə dəfə dağıdılıb bərpa edildiyini, Müqəddəs İştvan Bazilikasının nə qədər müddətdə inşa olunduğunu, Qəhrəmanlar meydanının yaradılmasının səbəbini, Vaydəhunyad qalasını vampirlər ilə bağlayan hekayələri və Anonimus üçün ucaldılmış abidənin hansı nailiyyətlərə görə həsr edildiyini.

Bunlar yalnız Budapeştin gözəl və maraqlı tərəflərindən bir neçəsidir.